Levate 'a maschera Pulicenella

‘A libertà

Pigliateve ‘a cravatta,
pigliateve ‘a giacchetta
e sta cammisa nova:
nun aggio che ne fa.
E dateme, dateme, dateme
‘a libbertà!

‘A libbertà, ‘a libbertà
è n’auciello che vola senza scelle
ca nun le fa paura ‘a vita e ‘a morte
pecchè nun trema nnanz’a verità.

Pigliateve ‘e ggiurnale
ca diceno buscie
e stu televisore:
v’ ‘o voglio regalà.
E dateme, dateme, dateme,
‘a libbertà!

‘A libbertà, ‘a libbertà
è vulè bene senza na ragione,
è ghi’ ‘abbraccià nu cane o na perzona
sultanto p’ ‘o piacere ‘e ll’abbraccià.

Pigliateve ‘e denare,
pigliateve ll’ammore,
ll’ammore ca pe’ ssempe
pe’ forza adda durà.
E dateme, dateme, dateme,
‘a libbertà!

‘A libbertà, ‘a libertà
è parlà cu na preta o cu na fronna
e essere sicure ca risponne
ca pure a essa Dio l’ha misa llà.

Pigliateve sti ccase,
sti mobile e sti mure,
addò se campa e more
senza se n’addunà.
E dateme, dateme, dateme,
‘a libbertà!
E dateme, dateme, dateme,
‘a libbertà!

'O guardamacchine

A Napoli noi siamo stati sempre specialisti
a inventare mestieri, perché la fatica se non
ce la inventiamo noi... nun se magna!
Venite avanti, dottò!...

Io esercito il mestiere 'e guardamacchine,
la più moderna e nuova professione,
ca manco a dirlo sta sultanto a Napule:
l'avimmo fatto nuie chest'invenzione!
E' nu mestiere serio,
no comme crede 'a ggente,
s'adda sapè distinguere
nun è na cosa 'e niente.
Pecchè a guardà ci vuole ll'abitudine,
ce vò l'applicazione e ll'esperienza:
a fforza 'e me guardà Capre e Pusilleco,
io songo addeventato n'arco 'e scienza!

Certo ca pe' purtà 'a famiglia annanzo ce
vularriano settanta, ottanta machine al giorno
ma 'o vico è stritto e nun c'è che fa. Allora
avevo penzato di adattare il mio vascio a garage
ma nun è stato cosa! --Come dite? L'autorizzazione
del Comune? Eh!... Nun 'a tengo! Mi sono fatto autorizzare da mia moglie
E cinque figli, cinque figli dottò...-

Comme, dint' 'a chesta città addò tutte abusano
campanno ncopp' 'e spalle 'e tanta gente,
mo va a finire, come dice il viglie,
che ll'abusivo songh'io solamente?
Ma quale abuso e abuso
ll'abuso è chillo eterno:
chillo 'e campà annascuso
pure d' 'o Pataterno!
Certo. Fosse cchiù giusto a stare in regola,
tenè mille licenze e documente
ma dimme chesto comme 'o può pretendere
si tutto cca se fa abusivamente?

Venite avanti dottò...
Ogni tanto si legge sui giornali: Napule nun
ce 'a fa cchiù. Napoli muore! E se capisce,
chille 'e governante nun fanno niente. Ma sta
storia addà fernì! Dottò, accussì nun se po' ghì
annanzo, qualche cosa s'adda fa'!

Jammo, diciteme addò stanno chesti fabbriche?
Ll'industria nosta? Sta dinto Forcella!
'E bancarelle, 'o contrabbando, 'e diebbete
e pè mgnà ce abbruciano 'e cervella!
Ogni ghiuorno è n'esercito
ca scenne mmiezo 'a strata
e fa chello che capita
pe' s'abbuscà 'a jurnata.
Io faccio stu mestiere 'e guardamacchine
e tengo nu lavoro assicurato,
manco cu 'e cannonate a me me smovono:
ho un posto fisso, me songo piazzato!

Mo nun me credo cchiù prumesse e chiacchiere
'a panza nun se jenche cu 'a pazienza,
e mmiezze' 'e tutte tutte chille ca s'arrangiano,
io songo addeventato n'arco 'e scienza!