| Bàcule, Bàcule, 'o calamaro,
'a Maronna 'mmiez' 'o mare,
Gesù Cristo a lu puntone
che spanneva 'e muccatore.
Ohi mà', 'nu poco 'e pane,
figliu mio nun ce ne sta;
mò vene San Giuseppe
e te porta 'e cose belle,
e 'o chicco e 'o cocco
e 'o pane cu' 'a ricotta,
'a ricotta salata,
'o cappelluccio arricamato;
ricamato a me, ricamato a te.
'A gallina zoppa zoppa,
quanti penne tene 'ncoppa?
E ne tene vintitré,
uno doje e tré.
E teneva 'nu susamiello;
miezo a me, miezo a te,
miezo a 'a figlia d''o Rre.
Munzù, munzù, munzù,
è gghiuta 'a zoccola 'int''o rraù.
'A signora nun ''o vo' cchiù,
magnatillo tutto tu.
Luna, luna,
e ‘nu piatto ‘e maccarune;
si nun ce miette ‘o caso
je te rompo ‘a rattacaso.
Cicci Bacco
‘ncopp’ ‘a votta,
chi ‘o tira e chi ‘o votta;
chi ‘o votta ‘int’ ‘a cantina,
Cicci Bacco beve ‘o vino.
Sega, sega, mastu Ciccio
‘na panella e ‘nu saciccio;
‘a panella ce ‘a magniammo
e ‘o saciccio ce ‘o astipammo;
ce ‘o asstipammo pe’ Natale
quanno venene ‘e zampognare.
Mò vene Natale
‘e renza ‘e renza
‘o putecaro ce fa crerenza,
‘o canteniere ce mette ‘o vino
e facimmo Natale ‘ngrazie ‘e Dio;
l’ugliararo ce mette l’uoglio
e doppo siente ‘o dio d’ ‘o ‘mbruoglio
|
)
ci teneva buoni
