Don Luca PecorellaDon Luca Pecorella,attempatiello, ‘ncopp’ ‘a cinquantina,niente pussede e niente vò tené.Ha ditto sempe: << ‘O munno è ‘na rutella,avota e gira e torna a ‘o stesso pizzo:‘a vita è ‘nu capriccio: è ‘nu verrizzo!Ca tu te prive? Che te prive a ffa’ ?Astipe? E po’, ched’è? Nun ll’hê ‘a lassà?>>.Pirciò don Luca campa alleramente.Nun ghioca, pecchè ‘o juoco,dice, ‘nnucentemente,te porta alla miseria a ppoco a ppoco.E quanno è doppo ch’hê goduto? Niente!‘A femmena? Per lui la donna è mobile,come si dice? È quella piuma al ventoca si lle vene a ggeniocorre add’ ‘o disperato e lass’ ‘o nobile.Sultanto ‘o vino nun s’ ‘o ffa mancà;nun è che ‘on Luca fosse un bevitore,‘nu <<sammuchella>> proprio eccezionale:lle piace chellu tanto, ‘on Luca dice,ca gli presenta il mondo al naturale;ca te fa chiacchierià senza cuscienza:senz’arte e cummenienza.Pecchesto, ‘on Luca, quanno nun sta <<in sé>>,mò sfotte a chisto, mò repassa a chillo.Nisciuno ‘o tene pere, v’ ‘o ddich’io:hadda mette ‘ncroce pure a Dio.Nun pare n’ommo, pare ‘nu guaglione.Chi ‘o sape, fa vedé ca nun capisce…ca ride e ‘o cumpatisce;ma ‘e vvote quaccheduno se risente,nun sta dint’ ‘a pazzia e ‘o mette a posto:risponne malamente.Allora, ‘on Luca ammoccia: se sta zitto.Indifferentemente s’ ‘a spalomma.Fila diritto,dicenno sottovoce a quacch’amico:<<mò succedeva ‘o ‘nguacchio!>>.Ma nun appena avòta, ‘a copp’ ‘o vico,allazza ‘nu pernacchio.‘A casa, sempe storie cu ‘a mugliera:<<giesù, che sciorta nera.Ma chi me t’ha mannato? Schiuvazione!Si chisto abbusca, embè, Madonna miaca scanze a tutte quante,chello ca vuo’ te dongo:pure ‘a vista!>>.Ma ‘on Luca lle risponne: <<o te ignorante:io sono un “omorista”!>>.E accussì fuje ca sabato passato,‘int’ ‘a cantina ‘e Peppe <<muss’attone>>,don Luca, pe’ miracolo, scanzaje‘nu bruttu paliatone.Avette a ddi’ cu Tore ‘e Mandarine;dicette <<oj Tò, m’hê ‘a di’ che differenzapassa ‘nfra te e ‘o vojo sott’ ‘o traino>>.<<io che ne saccio>>, risponnette Tore,e ‘on Luca lle dicette: <<t’ ‘o ddich’io:fra te e il bue ci sta grande attinenza,e il conto torna;si ‘o povero animalecade e se spezza ‘e ccornes’è ‘nguajatope’ tutt’ ‘a vita;ma si t’ ‘e spiezze tu, cumpagno mio,mugliereta t’ ‘e mette ‘n’ata vota!>>.A chesto succedette ll’ira ‘e Dio.Tore mettette mano a ‘na sfarziglia,don Luca pe’ mmiracolo fujette,venette ‘o serra serra, ‘o parapiglia;ma, sott’ ‘a porta, Tore lle dicette:<<nun te vaco truvanno, carugnò;ma, si te trovo, tiene appriparato‘nu letticciullo ‘ncopp’ ‘e Pellerine:‘na palla ‘mmocca e una ‘int’ ‘o custato:chesto t’ ‘o ddice Tore ‘e Mandarine!>>.<<giesù!>> dicette ‘a gente, <<mamma mia!Ch’avite fatto, ‘on Lù? Giesù e Maria!Cu Tore ‘e Mandarine? Beneditto!Mò comme v’ ‘a spicciate?…>>.Don Luca rimanette proprio maleE, nun ve saccio di’, da chella seranun truvaje cchiù pace.P’ ‘a stata cammenava preoccupato,‘a casa nun ce steva ‘nu minuto,pe’ nun se fa’ truvà.‘E notte, dint’ ‘o suonno, se scetavachiagnenno, e po’ alluccava:<<madonna! Mamma santa! m’ha cugliuto!‘Na palla ‘mpietto e ‘n’ata dint’ ‘e rine!Currite! È stato Tore ‘e Mandarine!>>‘A porta tuzzuliava?<<chisto è ‘n’appuntamento…>>penzava ‘on Luca, <<è ‘nu dichiaramento…>>.Nun se bevevo cchiù ‘nu dito ‘e vinope’ sta’ sempe scetato all’occasione.Pure, cu tutto chesto, ‘na matina,proprio sott’ ‘o purtone,dduje guagliuncielle, figlie ‘e boni mamme,lle ménano ‘nu tracche ‘mmiez’ ‘e gamme!Fuje tanto forte ‘o schiantoch’ ‘avetteno purtà ‘int’ ‘a farmaciape’ darle ‘nu calmante!‘A casa chella povera muglieranun ‘o ssapeva cchiù ch’aveva fa’.<<mò ce parl’ ‘i>> dicette,<<si t’hadda fa’ qualcosa t’ ‘o facesse:se decidesse.Fatte truvà. Ch’aspiette, schiuvazione?Ca moro appresso a tte ‘e palpitazione?>>.Ma ‘o povero don Luca nun sapevanemmeno cchiù risponnere. Diceva:<<madonna mia:putevo immaginà? Pe’ ‘na pazzia?>>.E nun mangiava cchiù, nn’arraggiunava.Vi giuro ca don Luca Pecorellanemmeno ‘int’ ‘a ‘nu mese, puveriello,era arredutto comm’ ‘a ‘na muscella.Ma ‘na matina ascette albanno juorno,dicette: <<si mme vuò’, mugliera mia,stongo ‘a ccà ttuorno.Statte senza penziero!…>>. E s’ ‘a vasaje.‘E quatte, ‘e cinche, quase mezanotte,e ‘on Luca nun turnava.‘A casa chiena ‘e gente ch’aspettavaquacche notizia e a cunfurtà ‘a mugliera.<<’A porta!>>. Finalmente ‘on Luca torna…Ma steva combinato ‘e che manèra!‘A faccia bianca, bianca comm’ ‘a cera,tutto stracciato,tutto ammatuntato:se manteneva allerto proprio a stiento;ma ll’uocchie lle redevano:pareva suddisfatto,e quanno ‘a gente attuorno addimmannaje:<<’On Lù? Ch’avite fatto?>>.<<silenzio!>> rispunnette, senza fiato,<<tanto haggio fatto ca ll’haggio truvato.Mugliera mia, me songo liberato:pe’ grazia d’ ‘a Madonna haggio abbuscato!>>.
Estate!Estate,p' 'o cielo turchino'na nuvola 'e setap' 'o cielo cammina...cammina.Estate,campagne e ciardinep' 'o cielo spanniteprofumo e canzone.'Ncopp' 'e llogge e p' 'e muregesummine a migliare...sciure 'e tutte 'e culure:comme è bello a guardà!Se sente luntano'nu sisco 'e vapore...'nu suono 'e campane,'n' auciello in amore...Carmè, Carmè, Carmè,cchiù bella è l'estate,cchiù doce me parecampanno cu tte.
Storia 'e 'nu passarotto e 'na cardella'Ncimm' 'a 'nu campanaro 'e 'na cchiesiella,cu quatte file d'èvera e pagliuzze,'mmiez' 'a 'nu tuppe 'e verde, 'nu cardilloaveva fatt' 'o nido p' 'a cardellae pe' tre cardelluzze:tre figlie, tutte quante femmenelle.'A primma nun aveva ancora misoddoje penne 'ncuollo e già parlava 'e sposo.Difatte, proprio 'e faccia 'a chiesiella,steva 'na luggetella,'nfussata 'mmiez' 'o vverde 'e mille sciure'e tutt' 'e culure.E 'mmiez' 'a chelli ffronne, ogne matina,'nu passarotto ce s'annascunnevaguardanno fisso 'ncopp' 'o campanaro:quanta suonne felice se faceva!E 'a che spuntava 'o sole 'nfin' 'a seracantava accussì ddoce, accussì caroche 'a cardelluccia se n'annammuraje.'Na sera 'e primmavera, dinto maggio,'ncopp' 'a 'na fenestella 'e 'nu cunvento,'o passero facette giuramento:"Maje, cardelluccia mia, te lassarraggio.Me restarraje pe' ssempe 'int' 'a 'stu core...e, si sapisse, è pronta pure 'a casa,'nnammuratella mia, pe' chist'ammore...Là, guarda, 'mmiez' 'a chella pianta 'e rose,'nu nido sto facenno 'e fronne 'e violepe' quanno spusarrammo...".'A cardelluccia zitto rispunnette:"Papà nun vò... mammà me n'ha parlato,ma niente ancora buono m'ha spiegato.Lassa fa' a mme: sperammo...statte senza penziero", lle dicette.E stess' 'o juorno ne parlaje cu 'o pate;me se sentette 'e dì: "Tu fusse pazza?Grandezza 'e Dio, sempe fore peccato,màmmeta nun t'ha ditto? Haggio giurato,specie cu tte, che sei la prima figlia,'e sustené l'orgoglio della razza.Già simmo troppo poco calculate,'nce manca, mò, 'nu passero 'nfamiglia":E pe' paura 'e nun 'o cuntraddì,'a cardelluccia lle dicette: "Sì"!E nne passaje nuttate chiare chiare...cu 'nu penziero sulo dint' 'o core:"Chi sa che penza 'e mequanno cchiù nun me trova, puntualmentenascosta 'mmiez' all'albero 'e ceràseluntano quatte miglie d' 'o paese!M'aspettarrà, cantanno inutilmente...e allora, pe' dispietto, n'ata sposase truvarrà, cchiù libera e cianciosa".Ma 'o passero, 'e rimpetto,cchiù 'nnammurato 'e primma,nun truvava né pace né arricietto.E svulacchianno 'ncopp' 'o campanaro,pe' 'nu ricordo caro,quanno puteva, spisso ce facevacadé 'a 'ntrasatto 'na frunnella 'e rosa,'na fugliulella 'nfosa:'nfosa 'e lacreme d'ammorepe' chillu core 'nfame e traditore!Ma stanco, 'na matina,penzaje:"Mò ce parlo io cu 'o pate",e senza ce penzà 'ncoppa ddoje vote,pe' presentarse comme a 'nu signore,dint' 'a 'nu poco d'acqua 'e 'na funtana,ca ll'aria fresca e fina'e 'na nuttata sanaaveva fatto quase cristallina,cu quatte bott' 'e scelle se sciacquaje,se refriscaje...e quanno ll'acqua attuorno s' appusaje,spicchiannose llà ddinto,cuntento se vedette lindo e pinto.E zumpettianno 'mmiez' 'e gesumminee 'a 'na schiuppata 'e rose d' 'o Giappone,chino 'e friémmete 'e passione,tutto se prufumaje.E comme a 'na saetta, una vulata,filaje deritto 'a casa 'e chella sposa;ma nun appena 'ncoppa, che delore...quanta malincunia pe' chillu core...truvaje 'na casa sola, abbandunata,addò sparse d' 'o viento, attuorno spase,steveno ancora ddoje frunnelle 'e rose.Cercaje d'avè nutizie e ll'appurajepe' vocca 'e 'nu frungillo.Era succìeso ca papà cardillo,pe' bbia che 'a primma figlianun se scurdava maje chella passione,dicette: " Mò levammo l'occasione,si no succede ca ce faccio 'e spese".Pigliaje tutt' 'a famiglia,e comme steva, 'e notte s' 'a purtajefore paese,cchiù luntano assaje!Da chillu juorno 'o passero campajesenza sapé pecché... accussì, pe' niente.Campava p' 'o ricordo sulamente.Vulaje 'na settimana p' 'e campagne,p' 'e strate chiene 'e pòvere e sulagne,cercanno 'mmiez' 'e ssèpe, 'ncopp' 'e mure...e ne scanzava bott' 'e cacciature.E tutt' 'e ssere, 'mpunt' 'avemmaria,vulava pe' chill'albero 'e ceraseluntano quatte miglie d' 'o paese...ce se fermava... e... che malincunia!...s'arricurdava 'e tutto quanto 'ammore.E fuje proprio llà sotto che 'na sera,trasenno 'estate(che schianto e che delore!),'o passero truvaje 'nterra stecchitae fredda 'a cardelluccia amata:teneva sott' 'a scella 'na ferita:'na scuppettata!. . . . . . . . . . . . . . . . . . . . . . . . . . . . . . . . . . . . . . . . . . . . . . .Schiarava juorno! Chianu chiano 'o sole,scarfanno tutt' 'e ffronne e 'a terra 'nfosa,faceva ll'aria fresca cchiù addirosae meglio respirà. Dduje campagnuole,passanno 'a llà, uno 'e lloro s'acalaje:"Ch'è stato?Ch'he truvato?'O regaluccio p' 'o purtà 'a nennella?- Niente: munnezza:robba 'e poco prezzo!Mettette 'o pere 'ncoppa e scamazzaje'nu passarotto muorto e 'na cardella!
Austo!È troppo 'o calore'e 'stu mese d'austo...Io mò squaglio 'e sudore,me sento 'e murì.M'avoto e me girope dint' 'e llenzole...Me manca 'o respiro,nun saccio che ffa'!Si mò se truvassecu mme Carmenella,che sfizzio, che spassosi stesse cu mme.Sultanto a vasàchella vocca addirosa'nu buono refriscoputesse pruvà.Nun trovo arricietto...me soso, me cocco...'Stu cavero 'e liettonun pozzo suffrì.Me stenno, m'arrogno,me metto 'ntravierzo,me è tanto 'o bisognoche sento 'e sciatà.Si mò se truvassecu mme Carmenella,ecc.Cammino p' 'a stanza,m'assetto 'a pultrona,cu 'a sola speranzae puté arrepusà...Arapo 'o balcone,ma 'stat'afa 'e calore'e 'stu sole lionecchiù peggio mme fa.Si mò se truvassecu mme Carmenella,ecc.
Penziere anticheM' 'a ricordo 'e dummenecad' 'o mese 'austo'sta via Ruccella addo' songo crisciutoe mò nun ce sta cchiù:sotto mieziuorno.Aria, sole, guagliune!...Traseva da 'e balcune'n'aria frezzecarèlla,'n'arietta 'e meza estàca faceva respirà!'Nnante 'e vascecu ‘e telàre aperte,a ll’aria, ‘ncopp’ ‘e segge,cuscine e coperte.Llà ‘nu balcone chino ‘e gesummine,llà, sott’ ‘o ffrisco ‘e ‘na perziana scesa,‘na pianta d’erba cedra o ‘e resedà.Che ghiurnate cujete!Che ghiurnate d’està!For’ ‘e balcune,appise ‘nfaccia ‘o muro,mazze ‘e sovère e mellunesott’ ‘o càvero d’ ‘o solea mmaturarze p’ ‘o vierno.Da fenesta a fenesta,comme a ‘na festa,camicette, lenzòle…savaniélle!…‘Int’ ‘e ccajolecanarie e cardellucce,si pure prive ‘e libertà,cantavanoe parevano felice ‘e campà!Che ghiurnate cujete!Che ghiurnate d’està!A mmità strada‘n’altarino addobbatocu ‘e cannele appicciatej ‘e sciùre annante.‘Nfra quadre e quadrille,gruosse e piccerille,‘e vute ‘nnargentate:quante!Aria, sole, guagliune,feneste, balcune!…Attuorno attuorno‘n’addore traseticcio‘e cipolle e murzelle ‘e bancunearresuliate a ffuoco lento‘int’ ‘e tianepe’ ‘nu buono rraù.E dint’ ‘e ‘nzalatiere, già spezzate,o perciatielle o maccarun’ e zite.Voce luntane:“Cosce ‘e ronne e fiche trujane…!,“ ‘Na bona perzianaaa!…”.M’ ‘a ricordo ‘e dummenecad’ ‘o mese ‘austo‘sta via Ruccella addo’ songo cresciutoe mò nun ce sta cchiù.‘O pentone d’ ‘o vico, ‘o canteniere,‘ncopp’ ‘a vòtta,sott’ ‘a frasca e ‘a bannèra,sistemava cu ‘e mmane,‘int’ ‘e sperlunche,puparuòle ‘mbuttite, mulignane...palle ‘e riso…… “Pascalì, torna ‘a casa:puozz’ essere acciso…”,“ Carmilì, i’ lass’ ‘o guaglione‘int’ ‘o spurtone…stance accorta!…”.Aria, sole, guagliune…feneste, balcune!Cchiù ‘nnante ‘o tabbaccarocu ‘a miccia ‘mmocc’ ‘a portaca mò se stutavae mò s’appicciava…tanto ca chi vulevaveramente fumà‘na scatola ‘e cerinetraseva a s’accattà!Da ‘e ffeneste panare e panariellescennevanoe saglievanochine e vacante:“Signò, acalate…aizate!”.A ‘nu primmo piano‘a casa ‘e don Vicienzo ‘o parulàno,ommo ‘e denare;‘na casa allera:senza penziere!Tre figlie gruosse e quatte e piccerille,don Vicienzo e ‘a mugliera.‘Na casa ca o pe’ cchesto o pe’ chell’atosteva sempe ammuinata.Tavole e tavulelle pe’ chi traseva:‘o cumpare ‘a cummara,‘o cainato, ‘o cugino,quacche parente caro…se faceva sempe festino.Appena fatto sera‘e lluce appicciatee ‘mmiez’ ‘a stanzatutt’illuminata‘a tavula apparicchiata:‘na ‘mpepatella ‘e cozzeche,‘na ‘nzalata mmiscata…alice ‘nturtiera.E ‘nterra, dint’ ‘e cate cu ‘a neva,pèrzeche, percòchee asprinio ‘int’ ‘e periette.Se magnava e se redeva.‘Na casa allèra:senza penziere!Cchiù llà, dint’ ‘a ‘nu vasciocu ‘o telaro accustato,tanto pe’ fa’ trasì ‘na lenza ‘e sole,‘na figliola rassignatacu ‘a faccia jancae stanca,‘nfussat’ ‘int’ ‘a ‘nu lietto,pe’ bbia ‘e ‘na tossa ‘nfama,ca nun lle deva né pace né arricietto,pregava ‘Adduluratacu ‘a lampa appicciate ‘nnante‘ncopp’ ‘o cummò.E chellu ppoco ‘e sole ca trasevada ‘o telaro accustato…‘na speranza nce ‘a deva!Cchiù ‘nnante,cu ‘a faccia avvampata ‘e calore,aret’ ‘o bancone,‘o pizzajuolo‘nfurnavae sfurnavacazune ‘mbuttunate cu ‘a ricottae pizze a ogge o otto:“Pronto, mò esce:briosce…magnateve ‘stu ‘mbruoglio:‘a lav’ ‘e ll’uoglio…!”.‘O palazzo ‘e rimpetto‘ncopp’ ‘o marciappiero,dint’ ‘e caniste sotto ‘a tarlatà,freselle ‘nzuccarate e taralle:“Sale e pepe cu ‘a ‘nzogna, tarallarooo…”.Guagliune e guagliuncielleca currevano felicee felice nce currevo pur’i’.“ ‘O tarallo cu ‘e passe,zucchero e butirro…‘a palatella,‘a bacchettella,comme se sfruculéa chistu tarallo! ».E me ricordo ‘nu balcone ‘nchiusoca nun s’aveva guardà.Arèto nce chiagneva ‘na figliolaca campava solae teneva ‘o marito carcerato…pe’ bbio ‘e ‘nu nnammurato… ca nun nce steva cchiù!Appriesso ‘o nevajuolocu ‘e butteglie ‘e gazzose‘nzerrat’ ‘int’ ‘o cascionemiso a ‘o ffrisco aret’ ‘o purtonee ‘ncopp’ ‘o canisto cu ‘e limoned’ ‘e ciardine e Surriente e Villanova.Che friscura ca deva passannoce vicinoe ch’ addor’ ‘e neva!Appriesso, tre scaline,e se scennev’ ‘int’ ‘a da zarellàra.Quanta cose ammuinatedint' 'a chella vetrinacu 'e llastre sengate:buttune, fettuccelle,nastre culurate,rucchielle 'e cuttone e pazzielle.Fore, appiso sott' 'a porta,'o mazzo d' 'e pupe:'o prevete, 'a morte,'a riggina cu 'o rre, pulecenella!Nce currevo 'accattà 'a carta velinape' fa' pallune 'e cartae catenelle.'A sera, quanno ll'ariase faceva liggiera e frisculella,quanta canzone docepe' llogge e luggetellecantate a filo 'e voce:"Io te vurrìa vasà...io te vurrìa vasà...ma 'o core nun m' 'o ddice'e te scettà...'e te scetà...!".D' 'a caserma vicino, a San Pascale,'nu signale:'o silenzio!Chella tromba pareva ca sunavape' tutte quante.E ognuno s'accujtavapenzanno quacche cosa:'na casa luntana,'na partenza vicina...a 'nu pate, a 'na mamma, a 'na sposa.E p' 'e ciardine attuornequanta vase e prumesse 'e giuventù.M' 'a ricordo 'e dummenecad' 'o mese 'austo'sta via Roccella addo' songo crisciutoe mò nun ce sta cchiù!E m' 'a ricordo, sì, sotto Natale:acqua e gelo...feneste 'nzerratecu 'e llastre appannate.A 'e fierre d' 'e balcunepullanchelle attaccate e capùne.'Nnanz' 'e vasce,furnacelle e vrasiéremise all'aria apertap'attezzà 'o ffuoco:e a poco a poco 'o ffuoco s'attezzava...e s'avvampava.'Ncopp' 'e marciapiere,a fila a fila,bancarelle 'e pasture e pazzièlle:'e Re Magge,'o vojo cu 'e ppecurelle,'a stella mattutina cu 'a frezza!...Dint' 'e ccase se squagliava 'a nzognae 'o fummo e 'addore parevano ricchezza!'Mmiez' 'a strada,vicino o luntano,'o suono 'e 'na zampògna!A mezanotte, gruosse e piccerille,'mmiez' 'a via'nnanz' 'a Madonnatutte addenucchiatea pregà Gesù e Mariape' 'na grazia o 'nu perduòno.E nun ce steva 'na casa, triste o allèra,ca nun metteva 'o Bammino dint' 'a rotta.Tracche, bengale, botte...che frastuòno.E m' 'a ricordo pure 'mprimmavera:che schiuppate e violep' 'e llogge e p' 'e balcune sott' 'o sole.Aria gentile e tupella:aria bella,aria sincera!...Quanta, quanta mutiveturnavene pe' ll'aria a suspirà:"Rose e che belli rrose...e torna maggio...".M' 'a ricordo 'e 'sti tiempe'a via Ruccella addo' songo crisciuto...e mò nun ce sta cchiù!
Penziero ca... cunvieneMuglièrema me dice"Si' veziuso!Abbasta ca 'na femmenavide 'e passàsubbeto 'a guardee cu ll'uocchie maliziuset' 'a vulisse magnà!Chesto vò di'ca 'i sola nun t'abbasto!Nun t'abbasto, è ove'?".E nun m'abbasta, no!Io che ce pozzo fa'?Non è, come si dice,mancanza d'affezione,d'affettoo di rispetto.Quello è tutto un bisogno naturaleche l'uomo, il maschio,bene o male,pe' grazia 'e Dio conserva per natura...da che è stato creato.E fin che dura'a fémmena lle' piace.Pecché? Perché ci trovaquel certo che di "fascino"...quel certo che di "cosa"...ca ll'ommo perde 'a mummerae se sposa!La "moglie" è un altro affare:è una cosa sòlita.Materialmente è 'nu piatto 'e carneche il "marito" ha gustato,che gusta e può gustare...ma ogni ttanto,dicimmo 'a verità,'a qualità di carnese pò pure cagnà.'Na vota manzo,'na vota carne 'annecchia...'n' ata vota vitella...'nzomma me pare giustocambiare un poco gusto...si no sempe "chella", "chella", "chella"... !
Rosa Pino e Gennarino- E chisto mò a chi è figlio?- A Gennarino!- Pure chisto?- Gnossì, pure chist'ato!- Figlio di N.N. e Rosa Pino...va buò'?- Va buono!- E statte bona, va'.N'anno passaje.- Padre, bonasera...- Cu chi ll'he fatto?- Bè... cu Gennarino.- 'N'ata vota cu chillo? Sciorta nera!- Figlio di N.N., ch'aggia fa'?Passaje 'n 'at' anno... sponta Rosa Pinotenenno 'mbraccio 'n' atu piccerillo.- Nè, Rusinè? E' figlio 'e Gennarino?Gnossì.- Di N.N.?- E ch'aggia fa'?- Comme ch'he fa'?- Che vulite ca faccio?- T' 'o spuse a Gennarino e bonanotte.- Io m' 'o spusasse, padre, ma che saccio...m'è 'nu poco antipatico... ecco ccà!
Ingenuità!- Papà me fa 'na mazziata 'o juorno,che me ne 'mporta? Seh... m'aggia fa' gruosso!Allora fernarrà chistu taluorno...e tanno have che ffa' cu 'nu brutt'uosso.- Se sa, quann'uno è gruosso è meglio assaje,te spasse, tiene 'e solde, vaje suldato,vide città ca nun he visto maje...'A verità? Pur'io me so' scucciato.- Chesto succede pecchè vuje tenite'nu pate sulo... Se capisce, allora.'O mio pure me vatte, che credite?ma raramente, quanno vene 'a fòra.Pecchè chillo ca vene ogne matinamme porta 'e caramelle... 'a fresellina.
'A visitaDottò, me sento male,crediteme, sto buono arruvinato,me pare 'nu spitale,già se po' ddi' ca songo trapassato.- Mbè, sentiamo: chi t'ha visitato?- 'Nu farmacista, tanto amico mio...- E se capisce, allora: santo Dio...che te puteva fa' 'nu farmacista?In queste cose ce vò 'o specialista,questa professione spetta a nuje.Va' trova che papocchia t'ha cuntato...Sentiamo: che sciocchezza t'ha ordinato?- M'ha ditto 'e chiammà a vuje!
Si putesse cagnarme stu coreSi putesse cagnarme 'stu core,cchiù felice campasse cu tte.Sbatte troppo de bene 'st'ammore,te n'abuse... e cunosco 'o pecché.Pecché tutte 'e capricce che faje,tutte quante t' 'e ffaccio passà...e si doppo 'nu vaso me daje,t'assicuro m' 'o faje suspirà!Ah, ah, ah, ah, ah...putesse 'stu core cagnarme, Nenné...Ah, ah, ah, ah, ah...campasse felice pe' sempe cu tte.Pe' vasarte 'sta vocca 'e cerase,troppi vvote te ll'aggia cercà.Ma si nun t' 'e cercasse 'sti vase,forse tu te faciste vasà.Si te dico ca te voglio bene,sbuffe e dice ca nun me ne vuo',ma si nun t'addimmanne, che pene,pienze sulo ca mme ne vuo' tu.Quanno puorte 'na vesta scullatae te dico ca nun l'he 'a purtà,me rispunne: "Mò esco spugliata,si te cride 'e putè commannà".E pe' sfotterme a me puveriello'nfino 'o cuollo te vieste, accussìca mme pare 'na màneca 'e 'mbrelloe che scuorno me metto d'ascì.Si t'abbraccio cu troppo calore,t'alluntane pe' nun te guastà.Nun te tocco? Me dice: "L'ammorenun è fatto pe' nun se tuccà!".Si' gelosa si parlo cu 'n'ata,e si pure nun parlo, pecchécride forse che t'haggio scurdatae ca penzo 'e vulerte lassà.Si guardannote nun me sentessedint' 'o core 'na smania 'e vasà,tanta scòppole e schiaffe te desse...e 'st'ammore farria rispettà.Ma 'sta vocca ca pare 'na rosa,e chis'uocchie ca fanno 'mpazzì...nun me fanno penzà che una cosa:'nzieme a te pe' 'st'ammore murì.Ah, ah, ah, ah, ah...
Penziero naturaleFacitela vulà 'sta cardelluccia...datele 'a libbertà:è primmavera!Ca lle' mettite 'o mmiglio,ll'uosso 'e seccia'a lattuchella fresca...niente lle' fa!Nun sentite che d' 'a matina 'a seracanta?Nun sentite ca risponnea 'nu cardilloca lle' runzéa attuorno'a che schiara juorno?Sentenno 'o core sbattere d'ammorence putisseve sta'senza puté scappà?'O core, 'mpietto, nun ve se schiantarria'e dulore?Facitela vulà 'sta cardelluccia:è 'o tempo sujo d' 'ammore.Datele 'a libertà!
Penziero lealePure si l'anne passanovuje site sempe bellaaccussì, comme site:al naturale,pecché vuje bella 'nce site nata!Ll'uocchie nun so' cchiù chillequanno 'e ppittate.'A vocca è n'ata cosaquanno 'a truccate.Nun site cchiù vuje:parite 'n 'ata!Pigliate 'na bella rosa,pure appassita sempe bella sarrà;ma pe' darle frischezzae bellezzaancoranisciuno penza d' 'a truccà!