Semi al vento - Forum di incontro e discussione

'O scupatore (R. Viviani)

« Older   Newer »
  Share  
filu'
TOPIC_ICON4  view post Posted on 20/9/2005, 00:38     +1   -1





'O scupatore
di Raffaele Viviani

“ Mannaggia ‘a mazza ‘e scopa e quanno maie
patemo me menaje dint’’a scupata!
Jette a du na perzona altolocata;
e chillo: “ Vo’ nu posto? Ha da scupa’!”

Mo ca te lagne, parle d’aumento:
te faie nemice, pierde ‘e dignità;
e siente ‘e di’: “ Ccà n’ati cincuciento
già stanno pronte pe’ ve rimpiazzà!”

Tutte sti muorte ‘e famma
cresceno comm’’e microbe:
so’’a summa d’’a miseria
‘e tutt’’a società!

Ngutte? T’abbutte ‘e collera.
Sfuoghe? Cu cchi? Cu ll’aria!
‘A vocca ‘a tiene? E ‘nzerrala,
pecchè nun puo’ parla’.

E scerùppate tutt’’e pponte ‘e pietto,
tutte sti strate, sempe malamente!
E quanno è doppo vene nu sergente
e dice ca si’ muscio a fatica’.

E’ nu brutto mestiere, ‘o scupatore!
E i’ v’’o dico cu tutta l’esattezza,
pecchè ce songo nato ‘int’’a munnezza;
e tengo competenza e serietà.

Sulo na cosa sta ‘int’’a classa nosta:
ca nun te truove nu privilegiato.
Nuje simmo tutte uguale, uno cu n’ato,
cu ‘a stessa scopa ‘mmano pe’ scupa’.

Comme a tutte nuje aute,
forze, ched’è, nun scopano
pure ‘ncoppa “San Giacomo”
chille ca stanno llà?

Nuje pulezzammo ‘e scale,
‘e strate, ‘e piazze ‘e Napule,
lloro, cu ‘a penna, scopano
‘e sorde d’’a città.

Siente dint’’e discurse : ”Scioperate!”
E va buono, d’accordo, sissignore.
Ma che vuo’ sciopera’ si l’assessore
nun ce fa caso si scupammo o no?

Nun è comme a muglierema che, a’ casa,
quann’io ce vaco cu sti bbracce rotte,
è capace ‘e me di’ quase ogne notte:
- Ma comme, sulo ccà nun vuo’ scupa’?-

E io po’ che aggi’’a rispondere?
Me ‘nquarto, me murtifico,
ma è sempe tutto inutile:
‘a vita accussì va.

‘E fforze nun me rejeno
‘e fa chisti servizie.
Si a’ casa me sacrifico,
servo a ll’umanità.”

 
Top
Vieux Dao
view post Posted on 18/10/2018, 12:46     +1   -1




Ciao
 
Top
1 replies since 20/9/2005, 00:38   1651 views
  Share